ନୋଏଲ୍ ଟାଟାଙ୍କୁ ନେଇ ଏବେ ସାରା ଭାରତରେ ଚର୍ଚା । ଯିଏ କି ହଜାର ହଜାର କୋଟିର ମାଲିକ ହୋଇଛନ୍ତି । ଯିଏ ରତନ ଟାଟାଙ୍କ ଉତ୍ତରାଧିକାରୀ ହୋଇଛନ୍ତି । ନୋଏଲ ହେଉଛନ୍ତି ରତନ ଟାଟାଙ୍କ ସାବତ ଭାଇ । ରତନ ଟାଟାଙ୍କ ପିତା ନାଭାଲ ଟାଟା ଦୁଇଟି ବିବାହ କରିଥିଲେ। ନାଭାଲ ଟାଟାଙ୍କର ପ୍ରଥମ ବିବାହ ସୁନୀ ଟାଟାଙ୍କ ସହିତ ହୋଇଥିଲା, ଯେଉଁଥିରୁ ତାଙ୍କର ଦୁଇ ପୁଅ ରତନ ଟାଟା ଏବଂ ଜିମି ଟାଟା ଥିଲେ । ସୁନୀ ଟାଟାଙ୍କଠାରୁ ଛାଡପତ୍ର ପରେ ନାଭାଲ ଟାଟା 1955 ରେ ଦ୍ୱିତୀୟ ଥର ସ୍ୱିଜରଲ୍ୟାଣ୍ଡର ବ୍ୟବସାୟୀ ସିମୋନଙ୍କୁ ବିବାହ କରିଥିଲେ। ନୋଏଲ୍ ଟାଟା ନାଭାଲ୍ ଟାଟା ଏବଂ ସାଇମନ୍ ଟାଟାଙ୍କ ପୁଅ । ତେଣୁ ସେ ରତନ ଟାଟାଙ୍କ ସାବତ ଭାଇ ।
ନୋଏଲ୍ ଟାଟା ଆଲୋ ମିଷ୍ଟ୍ରିଙ୍କୁ ବିବାହ କରିଛନ୍ତି । ଯିଏ କି ସାଇରସ ମିଷ୍ଟ୍ରିଙ୍କ ଭଉଣୀ । କିଛି ବର୍ଷ ତଳେ ସାଇରସଙ୍କ ସଡ଼କ ଦୁର୍ଘଟଣାରେ ମୃତ୍ୟୁ ଘଟିଛି । ନୋଏଲଙ୍କ ତିନି ଝିଅ ହେଉଛନ୍ତି ଲିଆ ଟାଟା, ମାୟା ଟାଟା ଏବଂ ନେଭିଲ୍ ଟାଟା ।
ନୋଏଲ୍ ଟାଟାଙ୍କ ଝିଅମାନେ ମଧ୍ୟ ଟାଟା ଗ୍ରୁପର ବିଭିନ୍ନ କଂପାନି କଥା ବୁଝିଥାନ୍ତି ।
