ଆଜି ସଫ୍ଟୱୟାର କମ୍ପାନୀ ମାଇକ୍ରୋସଫ୍ଟର ଉଇଣ୍ଡୋଜ ଅପରେଟିଂ ସିଷ୍ଟମ କ୍ରାସ କରିଥିବାରୁ ସାରା ବିଶ୍ବରେ ଏହାର ପରିଣାମ ଦେଖିବାକୁ ମିଳିଛି । ଭାରତରେ ମଧ୍ୟ ବିମାନ ସେବା ଏବଂ ବ୍ୟାଙ୍କ ସେବାରେ ସମସ୍ୟା ଦେଖାଯାଇଛି । ସମଗ୍ର ବିଶ୍ବରେ ବିମାନ ସେବା ପୁରା ଠପ ହୋଇଯାଇଥିବା ବେଳେ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି । ବ୍ୟାଙ୍କି ସେବା, ସପିଂ ମଲରେ କମ୍ପୁଟର ଚଳାଇବାରେ ସମସ୍ୟା ଦେଖାଯାଇଛି । ଇଣ୍ଡିଗୋ, ଭିସ୍ତାରା, ଏୟାର ଇଣ୍ଡିଆ, ସ୍ପାଇସ ଜେଟ୍ ଭଳି ବିମାନ କମ୍ପାନୀ ସେବା ପ୍ରଭାବିତ ହୋଇଥିବା ନେଇ ଏକ୍ସରେ ସ୍ପଷ୍ଚୀକରଣ ରଖିଛନ୍ତି । ବ୍ରିଟେନର ଅନେକ ନ୍ୟୁଜ ଚ୍ୟାନେଲର ପ୍ରସାରଣ ଠପ ହୋଇଯାଇଥିବା ବେଳେ ରେଳସେବା ବାଧାପ୍ରାପ୍ତ ହୋଇଛି । ଭାରତ ସମେତ ଜର୍ମାନୀ, ଆମେରିକା, ୟୁରୋପ, ତୁର୍କୀ, ଅଷ୍ଟ୍ରେଲିଆ, ସିଙ୍ଗାପୁର, ହଂକଂରେ ମଧ୍ୟ ଏହି କାରଣରୁ ବିମାନ ସେବା ବାଧାପ୍ରାପ୍ତ ହୋଇଛି ।
