ଲଦାଖ: ମୃତ୍ୟୁ କେତେବେଳେ କେତେ ଭୟଙ୍କର ଭାବେ ଆସିବ କହିବା ମୁସ୍କିଲ । ବେଳେ ବେଳେ ଏହା କେବଳ ପରିବାରକୁ ଦୁଃଖ ଦେଇନଥାଏ, ସାରା ଦେଶବାସୀ ମଧ୍ୟ ଗଭୀର ଶୋକ ପ୍ରକାଶ କରିଥାନ୍ତି । ଏପରି ଏକ ବଡ ଦୁଃଖଦ ଘଟଣା ଲଦାଖରୁ ସାମ୍ନାକୁ ଆସିଛି। ସେନା ଟ୍ୟାଙ୍କ୍ ଅଭ୍ୟାସ ବେଳେ ବଡ ଅଘଟଣ ଘଟିବାରୁ ନଦୀ ପାର ବେଳେ ଯବାନଙ୍କ ଜୀବନ ଚାଲିଯାଇଛି । ଦୌଲତ ବାଗ୍ ଓଲ୍ଡି ଅଞ୍ଚଳରେ ସେନାର ଟ୍ୟାଙ୍କ୍ ଭାସିଯିବାରୁ ଏଥିରେ ୫ ଜଣ ଯବାନ ଭାସି ଯାଇଥିବା ବେଳେ ସେମାନେ ଶହୀଦ ହୋଇଛନ୍ତି। ଶୁକ୍ରବାର ଦିନ ଏଠାରେ ସେନା ଟ୍ୟାଙ୍କ୍ ଅଭ୍ୟାସ ଚାଲିଥିବା ବେଳେ ଯବାନମାନେ ନଦୀ ପାର ବେଳେ ହଠାତ୍ ଜଳସ୍ତର ବଢିବାରେ ଲାଗିଥିଲା । ଫଳରେ ନଦୀ ପାଣିରେ ୫ଜଣ ଯବାନ ଭାସି ଯାଇଥିଲେ। ଏନେଇ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏକ୍ସ ଜରିଆରେ ଗଭୀର ଶୋକ ଜଣାଇଛନ୍ତି। ଏହି ଅଘଟଣରେ ଜେସିଓଙ୍କ ସମେତ ୫ ଜଣ ଯବାନ ଶହୀଦ୍ ହୋଇଛନ୍ତି।
