ନୂଆଦିଲ୍ଲୀ: ଗୟାରେ ଏକ ବର୍ଷର ଶିଶୁ  ସାପକୁ ମାରି ଦେଲା । ଶିଶୁ ଖେଳଣା ଭାବି ସାପକୁ ଚୋବାଇ ପକାଇଲା । ଘରସାମ୍ନାରେ ବୁଲୁଥିବା ସାପକୁ ଧରି  ଚୋବାଇବା ଘଟନା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଫତେପୁର ଅଞ୍ଚଳରେ ଜମୁହାର ଗ୍ରାମରେ ରାକେଶ କୁମାର ଙ୍କ ଏକବର୍ଷର ଶିଶୁ ରିୟାଂଶ କୁମାର ଘର ସାମ୍ନାରେ ଖେଳୁଥିବା ବେଳେ ଏକ ସାପ ଛୁଆ ଯିବାର ଦେଖିଥିଲା। ଯାହାକୁ ସେ ଖେଳଣା ଭାବି ଧରି ପକାଇ ପାଟିରେ ପୁରାଇ ଚୋବାଇବାକୁ ଲାଗିଥିଲା। ଏମିତି କି ଶିଶୁ ଜଣକ ସାପକୁ ଚୋବାଇ ଚୋବାଇ ମାରି ବି ଦେଇଥିଲା।ଏହା ଦେଖି ପରିବାରାଲୋକ ଅତ୍ୟନ୍ତ ଭୟବିତ ହୋଇ ସଙ୍ଗେସଙ୍ଗେ ଶିଶୁକୁ ଧରି ଡାକ୍ତରଙ୍କ ପାଖକୁ ଯାଇଥିଲେ। ସେଠାରେ ଡାକ୍ତର ଶିଶୁର ଚିକିତ୍ସା କରିଥିଲେ ଓ ଶିଶୁ ଟି ସୁସ୍ଥ ଥିବା ଜଣାପଡିଛି  ।