ଦିଲ୍ଲୀ ମନ୍ତ୍ରୀ ରାଜ କୁମାର ଆନନ୍ଦ ତାଙ୍କ ପଦରୁ ଇସ୍ତଫା ଦେଇଛନ୍ତି। ଆମ୍ ଆଦମୀ ପାର୍ଟି (ଆପ୍) ଦୁର୍ନୀତିରେ ଜଡିତ ଥିବାରୁ ସେ ଏପରି ନିଷ୍ପତ୍ତି ନେଇଛନ୍ତି।ଦିଲ୍ଲୀର ମଦ ନୀତି ମାମଲାରେ ଆପ୍ ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏବଂ ତାଙ୍କ ପୂର୍ବତନ ଡେପୁଟି ମନୀଷ ସିସୋଡିଆଙ୍କ ସମେତ ପ୍ରମୁଖ ନେତା ଗିରଫ ହୋଇଛନ୍ତି। ଆନନ୍ଦ ଏହି ଘୋଷଣା କରିବାର କିଛି ସମୟ ପରେ ଆପ୍ ନେତା ସୌରଭ ଭରଦ୍ୱାଜ ଏକ ସାମ୍ବାଦିକ ସମ୍ମିଳନୀରେ ଅଭିଯୋଗ କରିଛନ୍ତି ଯେ ଆନନ୍ଦଙ୍କୁ ବିଜେପି “ଚାପରେ” ଦଳ ଛାଡ଼ିବାକୁ କହିଛି। ଭରଦ୍ୱାଜ କିନ୍ତୁ ଏହି ଅଭିଯୋଗକୁ ସ୍ବୀକାର କରିନାହାନ୍ତି। ଦୁର୍ନୀତି ବିରୋଧରେ ଲଢ଼ିବା ପାଇଁ ସେ ଆପ୍ରେ ଯୋଗ ଦେଇଥିଲେ। କିନ୍ତୁ ଆପ୍ ନିଜେ ଦୁର୍ନୀତିଗ୍ରସ୍ତ ହେବାରୁ ସେ ଏହି ଦଳ ଛାଡ଼ିଥିବା କଥା କହିଛନ୍ତି।ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବୁଧବାର ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛନ୍ତି। ମଦ ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦ୍ୱାରା ଗିରଫ ହେବା ପରେ ସେ ଦିଲ୍ଲୀ ହାଇକୋର୍ଟରେ ଗିରଫଦାରୀ ବିରୋଧରେ ଆବେଦନ କରିଥିଲେ। ଚ୍ୟାଲେଞ୍ଜର ଗୋଟିଏ ଦିନ ପରେ ଦିଲ୍ଲୀ ହାଇକୋର୍ଟ ଏହାକୁ ଖାରଜ କରି ଆମ୍ ଆଦମୀ ପାର୍ଟି (ଆପ୍) ସୁପ୍ରିମୋଙ୍କୁ ଏକ ବଡ଼ ଧରଣର ଝଟ୍କା ଦେଇଛନ୍ତି। ହାଇକୋର୍ଟରୁ ଝଟ୍କା ପାଇବା ପରେ କେଜ୍ରିୱାଲ୍ ଏବେ ସୁପ୍ରିମ୍କୋର୍ଟଙ୍କ ଶରଣରେ ପଶିଛନ୍ତି।
