ଭୁବନେଶ୍ବର: ବିଜେଡିରେ ସାମିଲ ହେବାପରେ କେଉଁଠୁ ଟିକେଟ ପାଇବେ ଲେଖାଶ୍ରୀ ସାମନ୍ତ ସିଂହାର ତାକୁ ନେଇ ଚର୍ଚା ଚାଲିଛି । ଟିକେଟକୁ ନେଇ ଦଳ ବଦଳ ଭିତରେ ଲେଖାଶ୍ରୀ ସାମନ୍ତ ସିଂହାର ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରି ଆଲୋଚନା କରିଛନ୍ତି ।
କୁହାଯାଉଛି ବାଲେଶ୍ବରରୁ ତାଙ୍କୁ ଟିକେଟ ମିଳିପାରେ । । ଶଙ୍ଖ ଭବନକୁ ଆସି ସେ ବିଜେଡିରେ ମିଶିବା ପରେ ତାଙ୍କ ଟିକେଟ କନଫର୍ମ ଥିବା କୁହାଯାଉଛି। ବିଜେଡିରେ ମିଶିବା ପରେ ଲେଖାଶ୍ରୀ ତାଙ୍କ ପ୍ରତିକ୍ରିୟାରେ କହିଛନ୍ତି ମୁଁ ଖୋଲା ହୃଦୟରେ ବିଜେଡିରେ ମିଶିଛି। ଏଥିଲାଗି ମୁଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଉଛି। ଓଡିଶାର ବିକାଶ ପାଇଁ ମୁଖ୍ୟମନ୍ତ୍ରୀ ନିରନ୍ତର ପ୍ରୟାସ କରୁଛନ୍ତି। ବିକାଶ କାମରେ ଗୁଣ୍ତୁଚି ମୂଷାର ଭୂମିକା ନିର୍ବାହ କରିବାକୁ ଚାହୁଁଛି। ଫାଇଭ୍ ଟି ଅଧ୍ୟକ୍ଷ ଏବଂ ବିଜେଡି ସାଙ୍ଗଠନିକ ସମ୍ପାଦକଙ୍କୁ ଧନ୍ୟବାଦ ଦେଇଛନ୍ତି। ଦୀର୍ଘ ୧୦ ବର୍ଷ ବିଜେପି ପାଇଁ ଶତ ପ୍ରତିଶତ ଦେଇଛି। ୧୦ ବର୍ଷ ପରେ ବି ବିଜେପିରେ ମୋର ଉଚ୍ଛା ପୂରଣ ହେଲାନି। ରାଜନୀତିକୁ ଆସିବା ଉଦ୍ଦେଶ୍ୟ ବିଜେପିରେ ପୂରଣ ହେଲାନି। ବର୍ତ୍ତମାନବିଜେଡିରେ ରହି ଓଡିଶାବାସୀଙ୍କ ସେବା କରିବି।
