ଯାଜପୁରରେ ବିଜେଡିରେ ଜୋରଦାର ପ୍ରଚାର

ଯାଜପୁର: ଯାଜପୁରରେ ସାଂସଦ ପ୍ରାର୍ଥୀ ଓ ବିଧାୟକ ପ୍ରାର୍ଥୀ ଜୋରଦାର ପ୍ରଚାର କରୁଛନ୍ତି ।  ଏଠାରେ ବିଜେଡି ଗଡ଼ ଥିବାବେଳେ ଭୋଟରଙ୍କ ମନ ଜିଣିବା ପାଇଁ  ଜମିଛି ନିର୍ବାଚନ ପ୍ରଚାର। ଗାଁରୁ ସହର ଏବଂ ପଞ୍ଚାୟତରୁ ପଞ୍ଚାୟତକୁ ବୁଲି ନେତାମାନେ ପ୍ରଚାର କରୁଛନ୍ତି । ବିଜେଡି ସାଂସଦ ପ୍ରାର୍ଥିନୀ ସର୍ମିଷ୍ଠା ସେଠୀ ପ୍ରଚାରରେ ଲୋକଙ୍କୁ ଉତ୍ସାହିତ କରୁଥିବା ଦେଖାଯାଇଛି ।  ପ୍ରଚାରର ମଙ୍ଗ ଧରିଥିବା ବିଧାୟକ ପ୍ରଣବ ପ୍ରକାଶ ଦାସଙ୍କ ପ୍ରତିନିଧି ଭବ ପ୍ରସାଦ ଦାସ ବି‌ଜୁ ଜନତା ଦଳ ଯୋଜନା ବିଷୟରେ ଲୋକଙ୍କୁ ବୁଝାଉଛନ୍ତି ।  ଜୁନ ୧ ତାରିଖରେ ଭୋଟିଂ ହେବାକୁ ଥିବା ବେଳେ ପ୍ରଚାର ସରଗରମ ହୋଇଛି ।  ବିଜେଡି ପ୍ରାର୍ଥିନୀ ସୁଜାତା ସାହୁ ଭୂଇଁପୁର ପଞ୍ଚାୟତରେ ଜନସଭା ଜରିଆରେ ଭୋଟରଙ୍କ ପାଖରେ ପହଞ୍ଚିଛନ୍ତି ।  କାର୍ଯ୍ୟକ୍ରମରେ ଯାଜପୁର ବ୍ଲକ ବିଜେଡି ପ୍ରଚାର କମିଟି ଅଧ୍ୟକ୍ଷ ପ୍ରଦୀପ ନାୟକ, ଜିଲ୍ଲା ବିଜେଡି ଉପ ସଭାପତି ପ୍ରକାଶ ତ୍ରିପାଠୀ, ଦିଲ୍ଲୀପ ଜେନା ଓ ଦେବଦତ୍ତ ଦାସ ପ୍ରମୁଖଙ୍କ ସହ ବହୁ ନେତା ସାମିଲ ‌ହୋଇଥିଲେ।