ଏବେ ସାରା ବିଶ୍ବରେ ଗୋଟିଏ ଚର୍ଚା । କିଏ ଜିତିବ ଫାଇନାଲ ମ୍ୟାଚ୍ । ଭାରତ ଜିତିବ କି ସାଉଥ୍ ଆଫ୍ରିକା । ଏହାକୁ ନେଇ ଛୋଟଠୁ ବଡ଼ ସମସ୍ତେ କରୁଛନ୍ତି ଚର୍ଚା । ସାରା ବିଶ୍ବର ନଜର ଆଜିର ଫାଇନାଲ ଉପରେ ରହିଛି । ତେବେ ଭାରତ ଆଜିର ଫାଇନାଲ ଜିତିବ ବୋଲି ଭବିଷ୍ୟବାଣୀ କରୁଛନ୍ତି ଜ୍ୟୋତିଷ । ଦକ୍ଷିଣ ଆଫ୍ରିକା ହାରିବ ଆଉ ଭାରତ ଜିତିବ । ରୋହିତ ଆଉ କୋହଲିଙ୍କ ଯୋଡି ଏଥର ଭଲ ଖେଳିବ ବୋଲି ଭବିଷ୍ୟବାଣୀ କରିଛନ୍ତି ଅନେକ ଜ୍ୟୋତିଷ । ଟ୍ବେଣ୍ଟି-୨୦ ବିଶ୍ବକପ୍ ଫାଇନାଲ୍ ମ୍ୟାଚ୍ ଭାରତ ଜିତିବ କାରଣ ସମସ୍ତ ଗ୍ରହ ଓ ନକ୍ଷତ୍ରଙ୍କ ଚଳନ ଭାରତ ସପକ୍ଷରେ ଯାଉଥିବାରୁ ରୋହିତ ଶର୍ମାଙ୍କ ଦଳ ଏଥର ବିଜେତା ହେବ ବୋଲି ସେମାନେ କହିଛନ୍ତି । ଗତ ଏକ ବର୍ଷ ମଧ୍ୟରେ ଭାରତ ବିଶ୍ୱ ଟେଷ୍ଟ ଚାମ୍ପିଅନସିପ୍ ଏବଂ ଏକଦିବସୀୟ ବିଶ୍ୱକପ୍ର ଅନ୍ତିମ ମ୍ୟାଚ୍ ହାରିଛି। ଏଭଳି ପରିସ୍ଥିତିରେ ଗତ ଦୁଇଟି ମ୍ୟାଚ୍ର ପରାଜୟକୁ ଭୁଲିଯିବା ଏବଂ କ୍ରିକେଟ୍ ପ୍ରଶଂସକଙ୍କୁ ବିଜୟର ଉପହାର ଦେବାର ସୁଯୋଗ ଟିମ୍ ଇଣ୍ଡିଆ ପାଖରେ ରହିଛି। ସେପଟେ ଏହି ପିଚରେ ଯେଉଁ ଟିମ୍ ଟସ ଜିତେ ତାହାର ଜିତିବା ସଂଭାବନା ଅଧିକ ଥାଏ । ଆଉ ସବୁଠୁ ବଡ଼ କଥା ଭାରତ ଟସ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଛି ।
