ଭାରତୀୟ କ୍ରିକେଟ ଟିମ୍ କୁ ଚାରିଆଡ଼ୁ ପ୍ରଶଂସା ମିଳୁଛି । ପ୍ରଧାନମନ୍ତ୍ରୀଙ୍କ ସହ ଶହ ଶହ କୋଟି ଲୋକ ଏବେ ରୋହିତଙ୍କ ଟିମଙ୍କୁ ପ୍ରଶଂସାରେ ପୋତି ପକାଉଛନ୍ତି । ଟି-୨୦ ବିଶ୍ୱକପ୍ ବିଜୟୀ ହେବା ପରେ କୋଟି କୋଟି ଟଙ୍କା ଅଜାଡ଼ି ଉପହାର ଦେଇଛି ବିସିସିଆଇ । ଫାଇନାଲରେ ଦକ୍ଷିଣ ଅଫ୍ରିକାକୁ ୭ ରନରେ ପରାଜିତ କରିବା ପରେ ଭାରତୀୟ ଦଳକୁ କୋଟି କୋଟି ଟଙ୍କା ମିଳିଛି । ବିସିସିଆଇ ବା ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ଭାରତୀୟ ଟିମ ପାଇଁ କୋଟି କୋଟି ଟଙ୍କା ଉପହାର ଦେବାକୁ ବଡ ଘୋଷଣା କରିଛି । ବିସିସିଆଇ ଚେୟାରମ୍ୟାନ ଜୟ ଶାହା କହିଛନ୍ତି ଭାରତୀୟ ଟିମକୁ ପୁରସ୍କାର ରାଶି ଆକାରରେ ୧୨୫ କୋଟି ଟଙ୍କା ପ୍ରଦାନ କରାଯିବ । ବିସିସିଆଇ ସଚିବ ଜୟ ଶାହା ତାଙ୍କ ସୋସିଆଲ ମିଡିଆରେ ଏକ ପୋଷ୍ଟ କରିଛନ୍ତି । ଏଥିରେ ସେ ଭାରତୀୟ ଟିମର ବିଜୟ ପାଇଁ ଦଳକୁ ଶୁଭେଚ୍ଛା ଜଣାଇଛନ୍ତି ।
