ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ରତ୍ନଭଣ୍ଡାର ମରାମତି ନେଇ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବା ପରେ କେବେ ରତ୍ନଭଣ୍ଡାର ଖୋଲିବ ତାକୁ ନେଇ ପୁଣି ଚର୍ଚ୍ଚା ବଢ଼ିଛି। ସୁଦର୍ଶନ ଦର୍ଶାଇଛନ୍ତି ଲେଜର ସ୍କାନିଂରୁ ରତ୍ନଭଣ୍ଡାର କାନ୍ଥରେ ଫାଟ ଜଣାପଡ଼ିଛି । ଏବେ ବର୍ଷା ଆରମ୍ଭ ହୋଇଗଲାଣି । ରତ୍ନଭଣ୍ଡାର ମରାମତି ପାଇଁ ASIକୁ ନିର୍ଦ୍ଦେଶ ଦେବାକୁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି। ଆଇନମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ରତ୍ନଭଣ୍ଡାର ଖୋଲାଯିବା ପ୍ରସଙ୍ଗରେ ନିଷ୍ପତ୍ତି ନିଆଯିବ ବୋଲି କହିବା ପରେ କେବେ ଖୋଲିବ ତାକୁ ନେଇ ଦ୍ବନ୍ଦ୍ବ ସୃଷ୍ଟି ହୋଇଛି ।
ଇତି ମଧ୍ୟରେ ମୋହନ ସରକାର ଏହାକୁ ନେଇ କିଛି ସ୍ପଷ୍ଟ କରିପାରୁନାହାଁନ୍ତି । ବିଜେପି ସରକାର ଗଠନର ଦିନକ ପରେ ଶ୍ରୀମନ୍ଦିର ଚାରିଦ୍ୱାର ଖୋଲାଯିବା ନେଇ ଖବର ପ୍ରକାଶ ପାଇଥିଲା । ମହାପ୍ରଭୁ ଶ୍ରୀଜଗନ୍ନାଥଙ୍କ ରତ୍ନଭଣ୍ଡାରର ରହସ୍ୟକୁ ନେଇ ସାଧାରଣରେ ଚର୍ଚା ବଢ଼ିଚାଲିଛି। ପାଞ୍ଚ ବର୍ଷେ ପୂର୍ବେ ଭିତର ରତ୍ନଭଣ୍ଡାର ଖୋଲାଯିବାର ନିଷ୍ଫଳ ଉଦ୍ୟମ ହୋଇଥିଲା । ଏବେକାର ରତ୍ନଭଣ୍ଡାର ସ୍ଥିତି କ’ଣ ତାହା ଖୋଲିବା ପରେ ଜଣାପଡ଼ି । ନୂଆ ସରକାର ଆସିବା ପରେ ରତ୍ନଭଣ୍ଡାର ଖୋଲିବାର ଆଶା ବଢ଼ିଛି। ଦୁର୍ମୂଲ୍ୟ ଅଳଙ୍କାରର ଗଣତି ହେବାର ସମ୍ଭାବନା ମଧ୍ୟ ରହିଛି ।
