ରାଜନୀତିରେ ବେଳେ ବେଳେ ଏମିତି ରୋଚକ ଦୃଶ୍ୟ ଦେଖିବାକୁ ମିଳିଥାଏ । କେବେ ଶତ୍ରୁ ମିତ୍ର ବନିଥାଏ ତ କେବେ ମିତ୍ର ଶତ୍ରୁ । ଏଭଳି ଦୃଶ୍ୟ ଦେଖିବାକୁ ମିଳିଛି ଘସିପୁରାରେ । ସ୍ବାଧୀନ ପ୍ରାର୍ଥୀ ସୌମ୍ୟରଞ୍ଜନ ପଟ୍ଟନାୟକ ବିଶାଳ ଶୋଭାଯାତ୍ରାରେ ଯାଇ ପ୍ରାର୍ଥିପତ୍ର ଦାଖଲ କରିବାକୁ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ। ଏହା ପୂର୍ବରୁ ବିଜେଡି ପ୍ରାର୍ଥୀ ବଦ୍ରିନାରାୟଣ ପାତ୍ର ପ୍ରାର୍ଥିପତ୍ର ଦାଖଲ କରିବାକୁ ଉପଜିଲ୍ଲାପାଳଙ୍କ କାର୍ଯ୍ୟାଳୟର ରିଟର୍ଣ୍ଣିଂ ଅଫିସରଙ୍କ ପ୍ରକୋଷ୍ଠରେ ଉପସ୍ଥିତ ରହି କାଗଜପତ୍ର ଯାଞ୍ଚ କରୁଥିଲେ। ଏହି ସମୟରେ ସୌମ୍ୟରଞ୍ଜନ ପ୍ରକୋଷ୍ଠକୁ ପଶିବା ସହ ଶ୍ରୀ ପାତ୍ରଙ୍କ ସହିତ ହାତ ମିଳାଇଥିଲେ। ଶ୍ରୀ ପାତ୍ର ନିଜ କାମ ସାରି ବାହାରିଲା ବେଳକୁ ସୌମ୍ୟରଞ୍ଜନ ତାଙ୍କୁ ନମସ୍କାର ହୋଇ ଆଶୀର୍ବାଦ କାମନା କରିଥିଲେ।
