ଏଥର ନର୍ଥ-ଇଷ୍ଟ ଦିଲ୍ଲୀରେ ହେବ ରୋଚକ ଲଢେଇ । ବିଜେପି ନେତା ମନୋଜ ତିୱାରୀଙ୍କୁ ଟକ୍କର ଦେବେ ଯୁବ ନେତା କହ୍ନୈୟା କୁମାର । କେନ୍ଦ୍ରଶାସିତ ପ୍ରଦେଶ ଦିଲ୍ଲୀରେ ମୋଟ ୭ଟି ଲୋକସଭା ସିଟ୍ ରହିଛି । ସେଥିମଧ୍ୟରୁ ନର୍ଥ-ଇଷ୍ଟ ଦିଲ୍ଲୀରେ ଏଥର ଲୋକପ୍ରିୟ ଭୋଜପୁରୀ ଗାୟକ ତଥା ଭୋଜପୁରୀ ଫିଲ୍ମ ଇଣ୍ଡଷ୍ଟ୍ରୀର ସୁପରଷ୍ଟାର ମନୋଜ ତିୱାରୀଙ୍କ ସହ କଂଗ୍ରେସର ଯୁବ ଚେହେରା କହ୍ନୈୟା କୁମାରଙ୍କ ଭିତରେ ଲଢେଇ ହେବ ।କହ୍ନୈୟା କୁମାର ଏଥର କଂଗ୍ରେସ ଟିକେଟରୁ ମୈଦାନକୁ ଓହ୍ଲାଇବାକୁ ଯାଉଛନ୍ତି । ହେଲେ ଦୀର୍ଘ ଦିନ ଧରି ସେ ବାମ ଦଳର ଜଣେ ଲୋକପ୍ରିୟ ଚେହେରା ଥିଲେ । ଏମିତି କି ଗତ ନିର୍ବାଚନରେ ସେ ବିଜେପିର ଫାୟାରବ୍ରାଣ୍ଡ ନେତା ଗିରିରାଜ ସିଂହଙ୍କ ବିପକ୍ଷରେ ବେଗୁସରାଇରୁ ପ୍ରାର୍ଥୀ ହେଇଥିଲେ । ତେବେ ନିର୍ବାଚନର ଫଳାଫଳ କିନ୍ତୁ ତାଙ୍କ ପକ୍ଷରେ ଯାଇନଥିଲା । ହେଲେ ଏଥର କିନ୍ତୁ ବେଗୁସରାଇ ବଦଳରେ ନର୍ଥ ଇଷ୍ଟ ଦିଲ୍ଲୀ ଆସନରୁ କଂଗ୍ରେସ ଟିକେଟରେ ଲଢିବାକୁ ଯାଉଛନ୍ତି କହ୍ନୈୟା କୁମାର ।
