ଅଭିନେତ୍ରୀ ରବିନା ଟଣ୍ଡନଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭାଇରାଲ୍ ଭିଡିଓରେ ରବିନାଙ୍କୁ କିଛିଲୋକ ଠେଲିବା ସହ ମାଡ଼ ମାରୁଥିବା ଦେଖିବାକୁ ମିଳିଛି।
ଏହି ଘଟଣା ମୁମ୍ବାଇର ବାନ୍ଦ୍ରା ଅଞ୍ଚଳର ବୋଲି କୁହାଯାଉଛି। ଭାଇରାଲ ଭିଡିଓରେ କିଛିଲୋକ ରବିନାଙ୍କ ସହ ଯୁକ୍ତିତର୍କ କରୁଥିବା ଦେଖିବାକୁ ମିଳୁଛି। ଏଥିସହିତ ଅଭିଯୋଗ କରୁଛନ୍ତି କି ରବିନାଙ୍କ ଗାଡ଼ି ଚାଳକ ଜଣେ ବୃଦ୍ଧା ଏବଂ ତାଙ୍କ ପରିବାର ଉପରେ ଆକ୍ରମଣ କରିଛନ୍ତି।
ଭିଡିଓରେ ଜଣେ ବ୍ୟକ୍ତି କହୁଥିବା ଶୁଣିବାକୁ ମିଳିଛି ଯେ ରବିନା ଟଣ୍ଡନଙ୍କ ଡ୍ରାଇଭର ତାଙ୍କ ମା’ଙ୍କୁ ଆଘାତ ଦେଇଛନ୍ତି। ଆଉ କେହି ପୁଲିସକୁ ଡାକିବା କଥା କହୁଥିବା ବେଳେ ଜଣେ ରବିନାଙ୍କ ହାତ ଧରି ଟାଣିବା ସହିତ ଠେଲି ଦେଉଛନ୍ତି।
