ଚନ୍ଦ୍ରଶେଖରପୁର: ସ୍ବାମୀ ଡାଳେ ଡାଳେ ଚାଲୁଥିବା ବେଳେ ସ୍ତ୍ରୀ ପତ୍ରେ ପତ୍ରେ ଚାଲିଲେ । ରସିକିଆ ସ୍ମାମୀଙ୍କୁ ହୋଟେଲରେ ଠାବ କଲେ ଚତୁର ପତ୍ନୀ । ନିଜ ପତ୍ନୀଙ୍କୁ ଛାଡି ଅନ୍ୟ ଝିଅଙ୍କ ସହ ବିତାଉଥିଲେ ସମୟ । ସ୍ତ୍ରୀଙ୍କ ସହ ସନ୍ଦେହ ସତ ହେଲା । ହୋଟେଲ୍ରେ ଅୟସ କରୁଥିଲା ସ୍ବାମୀ ଏବେ ଜେଲରେ। ଯୁବତୀମାନଙ୍କ ସହ ହୋଟେଲରେ ରାତି ବିତାଉଥିଲା। କିନ୍ତୁ ଗୁମର ଖୋଲିଦେଲା ସ୍ତ୍ରୀଙ୍କ ମୋବାଇଲ୍ ଫୋନ୍ର ଜମାଟୋ ଲଗ୍ଇନ୍। ବିଳମ୍ବିତ ରାତିରେ ସ୍ବାମୀ ଜମାଟୋରୁ ଖାଇବା ବରାଦ କରୁଥିବା ଜାଣିପାରି ସ୍ତ୍ରୀଙ୍କ ସନ୍ଦେହ ହେଲା । କଣ କରିବେ ସେ ନେଇ ଭାବୁ ଭାବୁ ମୁଣ୍ଡକୁ ଆସିଲା ଥାନାକୁ ଯିବେ । ପୋଲିସ ନିକଟରେ ଅଭିଯୋଗ କରିବା ପରେ ପୋଲିସ ମଧ୍ୟ ନ୍ୟାୟ ଦେବାକୁ ଆଗେଇ ଆସିଲା । ଆଉ କିଛି ସମୟ ପରେ ପୁଲିସ ନେଇ ପହଞ୍ଚିଯାଇଥିଲେ ହୋଟେଲ୍ରେ ଚତୁର ସ୍ତ୍ରୀ । ଫଳରେ ସ୍ବାମୀର ଗୋପନ ମଉଜ ମଜଲିସ ଧରାପଡ଼ିଗଲା। ରାଗରେ ସ୍ବାମୀ ଓ ତା’ର ସହଯୋଗୀମାନେ ପୁଲିସ ଉପସ୍ଥିତିରେ ବି ସ୍ତ୍ରୀଙ୍କୁ ଆକ୍ରମଣ କରିବାକୁ ଆଗେଇ ଆସିଥିଲେ । ତେବେ ପୋଲିସ ଥିବାରୁ ନିଜ ରାଗ ନିଜ ଭିତରେ ଶାନ୍ତ କଲେ । ଏମିତି ଏକ ମାମଲାରେ ଇନ୍ଫୋସିଟି ଥାନା ପୁଲିସ ଅଭିଯୁକ୍ତ ସ୍ବାମୀ ଅଭିନବ ସିଂହଙ୍କୁ ଗିରଫ କରିଛି। ଏଥିସହିତ ଅଭିନବର ୨ ବନ୍ଧୁ ସିଲୁ ନାୟକ, ରାକେଶ ବେହେରାଙ୍କ ସହ ୩ ଯୁବତୀ ଙ୍କୁ ପୁଲିସ କୋର୍ଟ ଚାଲାଣ କରିଛି। ବଙ୍ଗୀୟ ଯୁବତୀ ସହ ଜଣେ ଜଗତସିଂହପୁରର ଯୁବତୀ ମିଶି କେସୁରା ଅଞ୍ଚଳରେ ରହୁ ଏପରି କାର୍ଯ୍ୟ କରୁଥିବା ପୋଲିସ ସୂତ୍ରରୁ ଜଣାପଡ଼ିଛି ।
