ଆଡ଼ପ ପହଣ୍ଡି ସମୟରେ ଅଘଟଣ: ଖସି ପଡ଼ିଲେ ବଡ଼ ଠାକୁର

ପୁରୀ: ଆଡ଼ପ ପହଣ୍ଡି ସମୟରେ ଅଘଟଣ । ଖସିପଡ଼ିଲେ ବଡ଼ ଠାକୁର ।ପହଣ୍ଡି ବିଜେ ସମୟରେ ବଡ଼ଠାକୁର ପ୍ରଭୁ ବଳଭଦ୍ର ଚାରମାଳ ଉପରେ ପଡ଼ିଯାଇଥିଲେ । ଫଳରେ ୭ ଜଣ ସେବାୟତ ଆହତ ହୋଇଥିଲେ ।  ଆହତମାନଙ୍କୁ ପୁରୀ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି।  ଶିକାର ହୋଇଥିବା ଚିକିତ୍ସାଧୀନ ଆହତ ସେବାୟତମାନଙ୍କୁ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଓ ଆଇନ୍‌ ମନ୍ତ୍ରୀ ପୃଥ୍ବୀରାଜ ହରିଚନନ୍ଦ ମଙ୍ଗଳବାର ରାତିରେ ପୁରୀ ଜିଲ୍ଲା ମୁଖ୍ୟ ଡାକ୍ତରଖାନାରେ ଭେଟିଛନ୍ତି। ସେବାୟତମାନଙ୍କର ସ୍ଥିତି ସଂପର୍କରେ ଅବଗତ ହୋଇଛନ୍ତି। ଚିକିତ୍ସା କରୁଥିବା ଡାକ୍ତରମାନଙ୍କୁ ଆହତ ସେବାୟତଙ୍କର ସ୍ବାସ୍ଥ୍ୟାବାସ୍ଥା ସଂପର୍କରେ ପଚାରିଛନ୍ତି।