ଓଡିଶାରେ ପ୍ରଥମ ବିଜେପି ସରକାର 12 ଜୁନ୍ ରେ ଶପଥ ନେବ । ଆସୁଛନ୍ତି ପ୍ରଧାନମନ୍ତ୍ରୀ । ପାର୍ଟି ଏପର୍ଯ୍ୟନ୍ତ ନୂଆ ସିଏମଙ୍କ ନାମ ଘୋଷଣା କରିବାକୁ ଥିବାବେଳେ କିଏ ମୁଖ୍ୟମନ୍ତ୍ରୀ ହେବ ତାହା ଆସନ୍ତା କାଲି ଜଣାପଡ଼ିବ । ବିଧାୟକ ଦଳ ବୈଠକରେ ଏନେଇ ନିଷ୍ପତ୍ତି ନିଆଯିବ ।
ଖବର ଅନୁଯାୟୀ, ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦିଙ୍କ ଉପସ୍ଥିତିକୁ ଦୃଷ୍ଟିରେ ରଖି ଶପଥ ଗ୍ରହଣ ସମାରୋହକୁ ସ୍ଥିର କରାଯାଇଛି । ବିଜେପିର ବିଧାନସଭା ସଦସ୍ୟଙ୍କ ବୈଠକ ହେବ ଆସନ୍ତାକାଲି । ବୈଠକରେ ନୂତନ ସିଏମ୍ ନିଷ୍ପତ୍ତି ନିଆଯିବ। କେନ୍ଦ୍ରୀୟ ପର୍ଯ୍ୟବେକ୍ଷକଙ୍କ ଉପସ୍ଥିତିରେ 78 ସଦସ୍ୟ ବିଶିଷ୍ଟ ବିଜେପି ବିଧାନସଭା ଦଳର ବୈଠକ ହେବ । ବିଜେପିର ସଂସଦୀୟ ବୋର୍ଡ ଏହା ଉପରେ ଚୂଡ଼ାନ୍ତ ମୋହର ମାରିବା ପରେ ମୁଖ୍ୟମନ୍ତ୍ରୀଙ୍କ ନାମ ଘୋଷଣା ହେବ । ବିଜେପି ବିଧାୟକ ସୁରେଶ ପୂଜାରୀ, ମୋହନ ଚରଣ ମାଝୀ ଏବଂ କେ.ଭି ସିଂ ଦେଓଙ୍କ ସମେତ ଅନେକ ନାମ ମୁଖ୍ୟମନ୍ତ୍ରୀଙ୍କ ତାଲିକାରେ ସମ୍ଭାବନା ରହିଛି।
