ଲୋୟର ସୁକତେଲ ପ୍ରକଳ୍ପର ମୁଖ୍ୟ ନିର୍ମାଣ ଯନ୍ତ୍ରୀ ସୁନୀଲ କୁମାର ରାଉତଙ୍କ ଘରେ ଭିଜିଲାନ୍ସ ଚଢ଼ାଉ

ବଲାଙ୍ଗୀର:  ଲୋୟର ସୁକତେଲ ମୁଖ୍ୟ ନିର୍ମାଣ ଯନ୍ତ୍ରୀଙ୍କ ଘରେ ଭିଜିଲାନ୍ସ ଚଢ଼ାଉ ।ଭୁବନେଶ୍ୱରର ସ୍ୱତନ୍ତ୍ର ଭିଜିଲାନ୍ସ, ବିଚାରପତିଙ୍କ ଦ୍ବାରା ଜାରି ହୋଇଥିବା ୱାରେଣ୍ଟ ସହାୟତାରେ ଭୁବନେଶ୍ୱର , ପୁରୀ, ଅନୁଗୁଳ, କଟକ ଏବଂ ବଲାଙ୍ଗୀର ଜିଲ୍ଲାର ୯ ଟି ସ୍ଥାନରେ ଚଢ଼ାଉ କରାଯାଉଛି। ଲୋୟର ସୁକତେଲ ପ୍ରକଳ୍ପର ମୁଖ୍ୟ ନିର୍ମାଣ ଯନ୍ତ୍ରୀ ସୁନୀଲ କୁମାର ରାଉତଙ୍କ ବିଭିନ୍ନ ସ୍ଥାନରେ ଥିବା ଘରେ ଭିଜିଲାନ୍ସ ଚଢ଼ାଉ କରାଯାଉଛି। ତାଙ୍କ ବିରୋଧରେ ଆୟ ବହିର୍ଭୁତ ସମ୍ପତି ରଖିଥିବା ଅଭିଯୋଗ ହୋଇଛି।   ନିଲାଦ୍ରିବିହାରଠାରେ ତାଙ୍କର ଆବାସିକ ତିନି ମହଲା କୋଠା ରହିଛି। ଏହା ସହିତ ଭୁବନେଶ୍ୱରର ନୟାପଲ୍ଲୀରେ ତାଙ୍କର ଦୁଇ ମହଲା କୋଠା, ପୁରୀର ଭିଆଇପି ରୋଡରେ ଏକ ଫ୍ଲାଟ୍, ପୁରୀର ଗ୍ରାଣ୍ଡ ରୋଡରେ ଥିବା ଫ୍ଲାଟ୍, କଟକର ଗୁରୁଡିଝାଟିଆରେ ତାଙ୍କର ପୈତୃକ ଘରେ, ଅନୁଗୁଳର କିଶୋରନଗରରେ ତାଙ୍କ ପୁଅଙ୍କ ଘରେ ମଧ୍ୟ ଏକକାଳୀନ ଚଢ଼ାଉ କରାଯାଉଛି। ସେହିପରି ଭୁବନେଶ୍ୱରର ନୟାପଲ୍ଲୀରେ ତାଙ୍କ ସମ୍ପର୍କୀୟଙ୍କ ଘରେ, ବଲାଙ୍ଗୀରରେ ଥିବା ବାସ ଘରେ ଏବଂ ବଲାଙ୍ଗୀରରେ ଥିବା ତାଙ୍କ ଅଫିସ୍ ଚାମ୍ବରରେ ଚଢ଼ାଉ ଜାରି ରହିଛି।