କେନ୍ଦୁଝରର ହେଭି ୱେଟ୍ ନେତାଙ୍କୁ ଅସମ୍ମାନ । ପ୍ରଚାରବେଳେ ହଟହଟା ହେଲେ ସନା ମହାକୁଡ । ସନାତନଙ୍କୁ ଜୋତାମାଳ ପିନ୍ଧାଇଲେ ଗ୍ରାମବାସୀ । ଚମ୍ପୁଆ ନିର୍ବାଚନ ମଣ୍ଡଳୀର ମିରିଗିସିଂଘା ଗାଁ ଲୋକେ ସନା ମାହାକୁଡଙ୍କୁ ଜୋତାମାଳ ପିନ୍ଧାଇବାର ଭିଡିଓ ଏବେ ସାମ୍ନାକୁ ଆସିଛି । ଗ୍ରାମବାସୀ ତାଙ୍କୁ ଖରାପ ବ୍ୟବହାର କରିବା ସହ ଗାଁକୁ ଆସିବାକୁ ବାରଣ କରିଛନ୍ତି । ୨୦୨୪ ବିଧାନସଭା ନିର୍ବାଚନ ପାଇଁ ସନାତନ ମହାକୁଡଙ୍କୁ ଚମ୍ପୁଆରୁ ବିଧାୟକ ପ୍ରାର୍ଥୀ କରିଛି ବିଜୁ ଜନତା ଦଳ । ଏହାକୁ ନେଇ ଗାଁକୁ ଗାଁ ବୁଲି ପ୍ରଚାର କରୁଛନ୍ତି ଏହି ବରିଷ୍ଠ ନେତା । ହେଲେ ଗତକାଲି ରାତିରେ ପ୍ରଚାରବେଳେ ଏଭଳି ହଟାହଟା ହେବାକୁ ପଡିଛି ତାଙ୍କୁ ।
